Монгол эрчүүд албан тушаал ахих тусам л тарга тэвээрэг авч, "гүзээ сууж" эхэлдэг. Гэхдээ УИХ-ын залуу гишүүд "гүзээ суухаас" үхтэлээ айдаг болсон гэнэ. Ч.Сайханбилэг, С.Баярцогт, С.Бямбацогт, Л.Гантөмөр нарын гишүүн зав л гарвал фитнесс клубыг зорих болж. Энэ нь мэдээж, нэг талаас эрүүл мэндээ бодож байгаа, нөгөө талаас дарга нарын дунд түгээмэл тархсан "гүзээ суух" өвчнөөс сэргийлж байгаа хэрэг аж.Харин Ж.Энхбаяр гишүүн бусад гишүүнтэй адил төмөр өргөж, биеэ зовоохыг тэгтлээ хүсдэггүй гэнэ. Тэрээр сүүлийн үед моод болоод байгаа Латин Америк бүжгээр түлхүү хичээллэх болжээ. Ж.Энхбаяр гишүүн сурсан мэдсэнээ ч бусдад зааж сургах дуртай нэгэн бололтой. Тэрээр говийн аймгийн залууст бүжиг заадаг тухайгаа ч хуучилсан юм.

П.ТУЯА

Эх сурвалж: Ардчилал сонин