Цөмийн технологи, цацрагийн аюулгүй байдлын талаар мэдлэгийн хүрээг өргөжүүлэх зорилгоор цацрагтай ажиллагч мэргэжилтнүүд, ЭША, оюутан залуучуудын дунд Цөмийн энергийн газрын нэрэмжит бооцоот бодлогын уралдаан зарлаж байна.

Бодлого:

Монгол улсын стандарт MNS 5072:2001-ийн дагуу 1-р зэргийн барилгын материалын хувийн цацраг идэвх 370 Бк/кг (радийн эквивалент) -аас хэтрэхгүй байх ёстой. Барилга барих материал нь үйлдвэрлэх үедээ Радийн изотопоос өөр цацраг идэвхт изотопыг агуулаагүй бөгөөд MNS 5072:2001 стандартын шаардлагыг хангасан гэж үзвэл уг материалаар босгосон 200x200x20 см ханын гадаргуу дээр хамгийн ихдээ хэдэн мкЗв/цаг цацрагийн тунгийн чадал үүсэх вэ?

Бодолтыг ямар ч аргаар хийж болох бөгөөд өгөгдөөгүй бүх мэдээллийг өөрөө сонгон хэрэглэнэ.

Уг бооцоот уралдааны бодлогын бодолтыг ЦЭГ-ын ЦХШТЛ-д энэ оны 3-р сарын 31-ний дотор бичгээр эсвэл цахим хэлбэрээр ирүүлнэ. Бодолтыг уралдааны комисс шалгаруулж 4-р сарын 14 өдөр ЦЭГ-ын хурлын танхимд 15 цагаас танилцуулан өргөмжлөл, бооцоог гардуулж бодолтыг оролцогчдоор танилцуулна.

Бооцоо:

1-     р   байр 1 : Өргөмжпөл, 100000 төгрөг

2-     р   байр 2 : Өргөмжпөл, 50000 төгрөг

Өвөрмөц санааны тусгай шагнал 1: Өргөмжпөл, 20000 төгрөг

Хариулт ба шийдлийг ЦЭГ-ийн лаборторид хүргүүлэх буюу radlab@nea.gov.mn хаягаар 3-р сарын 31-ний дотор илгээнэ. Нэмэлт асуултыг 62263160 утсаар лавлаж болно.