Японы Санхүүгийн үйлчилгээ, шуудангийн шинэчлэлийн сайд Тадахиро Мацусита өөртэй нь холбоотой нэгэн таагүй мэдээлэл хэвлэлд цацагдахаас өмнө амиа хорложээ. Энэ талаар «AFP» агентлагаас иш татан «Интерфакс» мэдээллээ. Японы «Сюкан Синсе» сэтгүүлийн газар Мацуситаг гэр бүлээс гадуур өөр нэг бүсгүйтэй явалддаг талаар нийтлэхээр зэхэж байсан аж. 73 настай энэ сайд даваа гарагт Токио дахь гэртээ дүүжлэгдсэн байдалтайгаар олдсон юм.