Австрали Улсын Засгийн газар олон улсын хөгжлийн агентлагаар дамжуулан манай улсын Засгийн газрын Хэрэг эрхлэх газартай хамтран 38 хүнийг тус улсын их, дээд сургуулиудад магистрын сургалтад хамтруулах тэтгэлэгт хөтөлбөрийг зарлалаа.

Энэхүү тэтгэлэгт хөтөлбөрт хамрагдах хүмүүсийг хоёр ангиллаар шалгаруулах юм байна. Тэтгэлгийн 21 эрхийг зөвшөөрөгдсөн яамд болон агентлагуудын албан хаагчдад олгох бол үлдсэн тэтгэлэгт төр, хувийн хэвшил, төрийн бус байгууллагынхныг хамруулах гэнэ. Гэхдээ суралцах чиглэлүүд нь хязгаартай байх юм байна. Тэтгэлэгт хөтөлбөрт хамрагдахыг хүссэн хүмүүс дэлгэрэнгүй мэдээллийг Монгол-Австралийн тэтгэлэгт хөтөлбөрийн газрын цахим хуудаснаас авч болно.