Дээрх хуралдаанаас гарах хамгийн том шийдвэр нь МАН-ынхан 20 жилийг харсан “Ард түмний хөгжлийн хөтөлбөр”-ийг батлах явдал. Тус нам“Ард түмнээ сонсъё” аяны хүрээнд 21 аймагт ажиллаж иргэдийн дуу хоолойг сонсоход улс орны болон орон нутгийн хөгжилд урт хугацааны, шинжлэх ухааны үндэслэл, эдийн засгийн тооцоо, судалгаа бүхий нэгдсэн бодлого, төлөвлөлт үгүйлэгдэж буйг сануулж, энэ чиглэлээр хөтөлбөр боловсруулахыг хүссэн юм. Энэ дагуу МАН-ынхан эрдэмтэдтэй хамтран ажиллаад 20 жилийн дараа Монгол Улсын нэг хүнд ногдох ДНБ 60 мянган ам.долларт хүрнэ гэсэн тооцоо гаргаад буй билээ.