2025.04.03
Б.Уянга: Эрх нь зөрчигдсөн иргэдийн сэтгэл санааны хохирлыг барагдуулах эрх зүйн орчин хэзээ бүрдэх вэ?
УИХ-ын чуулганы /2025.04.03/-ны өдрийн хуралдаанаар Хүний эрх, эрх чөлөөг хангахтай холбоотой зарим хуульд нэмэлт, өөрчлөлт оруулах тухай хуулийн төслийг хэлэлцлээ.
Хэлэлцэж буй асуудалтай холбогдуулан гишүүд асуулт асуулаа.
УИХ-ын гишүүн Б.Уянга:
Олон улсын гэрээ конвенцод нийцүүлээд хүний эрхийг хангахтай холбоотой асуудлууд өнөөдөр яригдаж байна. Гэхдээ Үндсэн хуулийнхаа 19 дүгээр зүйлийн 19.3-д заасан хүн эрх эрх чөлөөгөө эдлэхдээ үндэсний аюулгүй байдал, бусад хүний эрх, эрх чөлөөг хохироож болохгүй, нийгмийн хэв журмыг гажуудуулж болохгүй гэсэнэнэ заалтынхаа дагуу асуудал хөндөөд ороод ирсэн бол дахин хүний эрхийг хангахтай холбоотой хуулиудыг ярилцахад илүү л хөнгөн байх байсан болов уу. Энэ хуулиудад эрх нь зөрчигдөж байгаа этгээдийн сэтгэл санааны хохирлыг арилгах тал дээр зохицуулалт хангалтгүй байдаг юм шиг санагддаг. Үүн дээр Хууль зүйн яамямар ажил хийж байна. Эрх зүйн орчныг нь хэзээ бүрдүүлэх вэ? Хүчирхийллийн гэмт хэрэг ихээр үйлдэгдэж байна. Тоон маш их өсөж байгаа.
Эмэгтэйчүүд, хүүхдийг янз бүрээр дарамталж доромжилж, хүнлэг бус үйлдэл чих дэлсдэг. Үүнтэй холбоотой яаман дээр хамгийн сүүлийн үеийн тоон мэдээлэл байна уу. Хүслээр болдог бол хариуцлагыг нь чангатгах хэрэгтэй байна. Гэхдээ хуулийн санкцууд нь чанга байснаараа аливаа асуудал шийдэгдэхгүй гэж та хариулж байсан. Энэ чиглэлээрээ ямар ажлууд хийгдэж байна. Энэ гэмт хэргийн тоог яаж багасгах вэ? мөн гэм буруугүй хүнийг үндэслэлгүйгээр баривчлаж нэр хүндэд нь халдсан асуудлууд явдаг. Тухайн хүний эрхийг ноцтой зөрчдөг. Хэрвээ буруугүй бол нэн даруй энэ хүн гэм буруугүй байсан гэдгийг нь мэдээлдэг болох хэрэгтэй. Мөн өндөр настан, хөгжлийн бэрхшээлтэй иргэдийн эрх зүйн туслалцаа үзүүлэх асуудлуудыг энэ хуулиудад нэмж суулгах ёстой байсан юм биш үү.

Сэтгүүлч
Сэтгүүлч Ц.Соёлмаа soyolmaa@vip76.mn