Д.Ганбат: МАН засаглаж чадахгүй байгаа нь илэрч байна
Улсын Их Хурлын Хууль зүйн байнгын хорооны хуралдаан өнөөдөр /2021.04.07/ 15 цаг 15 минутад 63,2 хувийн ирцтэйгээр эхэлж, “Үндсэн хуулийн цэцийн гишүүнээр томилох, Үндсэн хуулийн цэцийн гишүүнээс чөлөөлөх тухай” Улсын Их Хурлын 2021 оны 31 дүгээр тогтоолд хэсэгчлэн тавьсан Монгол Улсын Ерөнхийлөгчийн хоригийг үргэлжлүүлэн хэлэлцлээ.
“Үндсэн хуулийн цэцийн гишүүнээр томилох, Үндсэн хуулийн цэцийн гишүүнээс чөлөөлөх тухай” Улсын Их Хурлын 2021 оны 31 дүгээр тогтоолд хэсэгчлэн тавьсан Монгол Улсын Ерөнхийлөгчийн хоригийг өчигдрийн Байнгын хорооны хуралдаанаар хэлэлцсэн боловч хэлэлцэж буй асуудлаар холбогдох тодруулгыг хийх шаардлагатай гэдэг үндэслэлээр Улсын Их Хурал дахь АН-ын бүлэг тав хоногийн завсарлага авах саналыг Улсын Их Хурлын гишүүн, тус бүлгийн дарга Д.Ганбат танилцуулсан. Монгол Улсын Их Хурлын чуулганы хуралдааны дэгийн тухай хуулийн 15.4-т “Шийдвэрлэх хугацааг нь хуулиар тусгайлан заасан асуудлаар нам, эвслийн бүлэг завсарлага авах бол хуралдаан даргалагч завсарлагын хугацааг тухайн асуудлыг хуулиар тогтоосон хугацаанд шийдвэрлэх боломжтой байхаар тогтооно” гэж заасантай холбогдуулан Хууль зүйн байнгын хорооны дарга С.Бямбацогт Улсын Их Хурал дахь АН-ын бүлэгт нэг хоногийн завсарлага өгсөн юм. Заювсарлагын хугацаа дууссан тул байнгын хороо Ерөнхийлөгчийн хоригийг хэлэлцлээ.
Улсын Их Хурлын гишүүн Д.Ганбат дараах байр суурийг илэрхийллээ.
"Улаанбаатар хотын иргэдийн дунд халдвар тархаад зогсохгүй, Төрийн ордонд ажиллаж Төрийн түшээ, албан хаагчид бүгд эрсдэлд орж, хүнд хэцүү нөхцөлд ажиллаж байна.
Ерөнхийлөгчийн хориг бол хууль зүйн үндэслэлтэй байхад муйхарлан олонхиороо түрэмгийлж шийдэж байна. МАН засаглаж чадахаа больсон байна. Олон хуульчид өнөөгийн нөхцөл байдлын талаар ярьж байна. Та бүхний засаглаж чадахгүй байгаагийн төлөөсийг Монголын ард түмэн эрүүл мэнд, эдийн засгаараа төлж байна. Тиймээс бид завсарлагын хугацааг сунгах хүсэлтэй байна. УИХ-ын чуулганы нэгдсэн хуралдаанаар дүгнэлтээ гаргаж тавих болно."
ШИНЭ МЭДЭЭ
![](http://img.youtube.com/vi/UvVcpxm94ww/hqdefault.jpg)