БНХАУ-ын Шандун мужийн Чиндао хотын ᠌ “Шунтиан Игоу” Худалдаа, аж үйлдвэрийн паркын Стратегийн менежмент хариуцсан дарга Ван Личиан тэргүүтэй төлөөлөгчдийг 2023 оны 6 дугаар сарын 8-ны өдөр, Төрийн өмчийн бодлого, зохицуулалтын газрын дарга Б.Цэнгэл болон холбогдох бусад албан тушаалтнууд хүлээн авч, уулзалт зохион байгуулав.

Уулзалтын үеэр дараах асуудлуудыг ярилцав. Үүнд; 

• Тус аж үйлдвэрийн парк нь манай улсын төрийн өмчит компаниудыг дэмжиж, тэдгээрийг БНХАУ руу бараа бүтээгдэхүүн экспорт хийх үйл явцад дэмжлэг үзүүлэх талаар хэлэлцсэн.
• БНХАУ-ын Хэбэй мужийн Таншан хотын Цаофэйдиан боомт хүрэх зам тээвэр, ложистикийн боломжит хувилбарын талаар холбогдох албан тушаалтнууд санал солилцов.
• Монгол Улс дахь сэргээгдэх эрчим хүч, зам барилга, хот зохион байгуулалтын салбарын төрийн өмчит компаниудтай БНХАУ-ын Шандун мужийн Чиндао хотын ᠌ “Шунтиан Игоу” Худалдаа, аж үйлдвэрийн парк нь хамтын ажиллагаа тогтоож, төсөл хөтөлбөр хэрэгжүүлэх боломж, бололцооны тухай хэлэлцүүлэг өрнүүллээ.

Мөн манай улсын төрийн өмчит компаниудад цахим худалдааны технологийг нэвтрүүлэх талаар хамтран ажиллаж, төсөл хөтөлбөр хэрэгжүүлэх зэрэг сэдвүүдийн хүрээнд ярилцаж, тус уулзалт үр дүнтэйгээр зохион байгуулагдав.