УИХ-ын дарга Г.Занданшатар 2023 оны 85 дугаар захирамжаар гишүүдийг тойрогт нь ажиллуулахаар томилсон юм. Улсын Их Хурлын гишүүд тойрогтоо ажиллаж, Засгийн газраас өргөн мэдүүлсэн Үндсэн хуульд оруулах өөрчлөлтийн төсөл, түүний хэлэлцэх эсэхийг хэлэлцэн шийдвэрлэсэн талаар иргэд, сонгогчдод танилцуулж, саналыг авах үүрэгтэй. Энэ дагуу Улсын Их Хурлын гишүүд ажиллаж байна.

Баянзүрх дүүргийн ИТХ-ын дарга А.Баяр, УИХ-ын гишүүн Э.Бат-Амгалан, Ж.Чинбүрэн нар Үндсэн хуульд оруулах өөрчлөлтийн талаар иргэдтэй хэлэлцүүлэг, уулзалтыг зохион байгууллаа.

Иргэд хуулийн өөрчлөлтийг агуулгын хувьд дэмжсэн бөгөөд гишүүдийн тоо, зарим деталь зүйлс дээр хүн бүрийн саналыг тусгах ёстой талаар хэллээ.