Баянзүрх дүүргийн 4-р хороо 112,114 дүгээр байрны зүүн талд байрлах 66 гарааш, 3 контейнер буулгаж газрыг чөлөөлжээ.

Чөлөөлсөн хэсэгт ногоон байгууламж, хүүхдийн тоглоомын талбай, иргэд амарч зугаалах боломжтой орчин байгуулж байна.

Зөвшөөрөлгүй баригдсан гарааш, контейнер байрлаж байсан хэсэгт үүсмэл хогийн цэг үүсч, гэмт хэрэг гарах эрсдэл бий болсон.

Тиймээс газрыг чөлөөлж, тухайн хэсэгт тохижилт бүтээн байгуулалтын ажил хийж гүйцэтгэж байна. Баянзүрх дүүргийн хөрөнгө оруулалт бүтээн байгуулалтын төвөөс 2198 м.кв талбайд ногоон байгууламж бүхий, иргэд амарч зугаалах боломжтой орчин бий болгохоор зорьж, ажлаа эхлүүлээд байгаа юм.