Нийслэлийн Иргэдийн Төлөөлөгчдийн Хурал -д Шударга өрсөлдөөн, хэрэглэгчийн төлөө газар, JCI Их хүрээ, Монголын тэргэнцэртэй иргэдийн үндэсний холбоо хамтран "Хөгжлийн бэрхшээлтэй хэрэглэгчийн өмнө тулгарч буй асуудал, шийдвэрлэх гарц"-ыг танилцууллаа.

Нийслэлийн иргэдийн төлөөлөгчдийн хурлын дэргэд оролцогч талуудыг хамруулсан ажлын хэсэг байгуулахаар боллоо. Мөн Нийслэлийн засаг дарга бөгөөд Улаанбаатар хотын захирагч Д.Сумъяабазарт дараах үүрэг чиглэлийг өглөө.

• Чиглэл бүрт хүртээмжтэй автобус бий болгох
• Хөгжлийн бэрхшээлтэй хүний автомашинд зориулсан зогсоолыг бий болгож, тэмдэг тэмдэглэгээг байршуулах, стандартыг мөрдүүлэх
• Өрх, хорооны байрыг тэргэнцэртэй иргэдэд хүртээмжтэй болгох
• Явган хүний замыг гүйцэтгэгч нарыг мэдээлэлжүүлж, замыг хүртээмжтэй болгох, засварлах.