Улсын төсвийн санхүүжилтээр  баригдсан Хөвсгөл аймгийн Тосонцэнгэл сумын Эрүүл мэндийн төвийнхөн шинэ байрандаа өнөөдөр нүүж орсон байна. 

УИХ-ын гишүүн Л.Энх-Амгалан Хөвсгөл аймгийн Тосонцэнгэл сумын Эрүүл мэндийн төвийн барилгыг Сум дундын хэмжээний эмнэлэг байхаар зураг төсвийг хийлгэж, 2019- 2020 оны Улсын төсөвт 1 тэрбум 800 сая төгрөг тусгуулж барилгын ажлыг эхлүүлж байжээ.

Тэрээр гишүүн Тосонцэнгэл суманд 2019 оны намар, 2020 оны хавар очиж барилгын ажилтай танилцсан байна. Эрүүл мэндийн төвийн барилгыг гүйцэтгэгч "Урагшлах" ХХК орон нутгийн залуучуудад ажлын байр бий болгож гүйцэтгэсэн юм. 

УИХ-ын гишүүн Л.Энх-Амгалан: Эрүүл мэндийн үйлчилгээний чанар, сайжирч, иргэд тохь тухтай орчинд хэвтэн эмчлүүлэх болсонд баяртай байна. Одоо тохилог соёлын төвийн асуудал бий. Ер нь шаардлагатай хөрөнгө оруулалт бүрийг шийдчихсэн байгаа. Одоо иргэд рүү хандсан хөрөнгө оруулалтын ажил хийнэ. Цагийн байдал сайхан болохоор барилгын ажилтай очиж танилцана. Мөн иж бүрэн оношлогооны лабораторийг шийдэж өгнө.