УИХ-ын гишүүн Б.Саранчимэг УИХ-дахь Шатрын лобби бүлгийг ахлан ажилладаг билээ. Тус бүлгийн дэмжлэгтэйгээр монголын шатарчид удахгүй "Оюуны спортын ордон"-той болох гэж байна.

Өнөөдөр тус ордны барилгын ажлыг гүйцэтгэж байгаа “Бианконэро констракш”-ний захирлын хүсэлтийн дагуу тус компаний удирдлагуудыг Б.Саранчимэг гишүүн хүлээн авч уулзлаа. 

"Оюуны спортын ордон" нь Хан-Уул дүүргийн 10-р хорооны Морингийн даваанд улсын төсвийн хөрөнгө оруулалтаар баригдаж байна. Барилгын ажлын гүйцэтгэл 70%-тай явж байгаа бөгөөд 2020 онд ашиглалтад оруулахаар төлөвлөн ажиллаж байгаа юм. Энэхүү ордон нь үе үеийн шатарчид, шатрын зүтгэлтнүүдийн хүсэл мөрөөдөл болсон ордон юм.