УИХ-ын ээлжит намрын чуулган сар хүрэхгүй хугацааны дараа нээлтээ хийх гэж байна. Энэ удаагийн намрын чуулган өмнөх чуулганаас онцлогтой болно. Учир нь УИХ-ын дэгийн тухай хуулинд өөрчлөлт оруулсан. Улмаар УИХ-ын гишүүд шинэ дүрэм, журмын дагуу чуулганы хуралдаанд оролцоно. Хуралдаанд оролцохдоо тухайн хэлэлцэж байгаа асуудалтай холбогдолгүй зүйл гурван удаа ярьвал танхимаас хөөхөөр хуульчилсан байна. 

УИХ-ын гишүүн С.Бямбацогт: Холбогдох албан тушаалтан асуултанд худлаа хариу хэлдэг, асуултнаас бултаж булзааруулдаг тохиолдлууд гардаг. Ийм тохиолдолд төрийн албанаас халах заалт туссан байсныг УИХ-аар хэлэлцээд унагасан.