Монголын улстөрчдийн бүгдийнх нь таньдаг, нэрийг нь мэддэг ганцхан иргэн байдаг.

Тэр нь “алдарт” до­лоон буудлын Должин эмээ. Иргэдийн амьдрал доройтож байна гэх яриатай зэрэгцэн чуулганы танхимд түүний нэрийг хэн нэг нь дурсдаг нь бараг жам болчихож. Тэгвэл УИХ-ын ги­шүүн С.Бямбацогт Должин эмээгийнд очих аялал са­наачилж түүндээ Ерөн­хий сайд Н.Алтан­хуягийг нэг­дэхийг хүссэн юм. Түүнчлэн тус аялалд нь УИХ-ын гишүүн Г.Баярсайхан, Д.Ганбат нар явахаа ч мэдэгдсэн байна.

Харин Ерөнхий сайдын хувьд тоймтой хариу хэлээ­гүй. Хэрвээ Ерөнхий сайд чуул­­ганы хуралдаанд өөрийн багцын 50 тэрбум төгрөгийн зарцуулалтын тайланг хий­гээгүй бол иймэрхүү асуудалд орооцолдохгүй л байлаа. Нэ­­­гэнт ийм зүйл болчихсон бо­лохоор сөрөг хүчний бүл­гийн даргын санаачилсан ая­лал олон хүний хүлээлтийг төрүүлээд байна. Учир нь тэд­ний хэн нь ч Должин эмээ­­гийн ахуй амьдралын та­­лаар мэдэхгүй.

Ийнхүү С.Бямба­­цогт гишүүн аялалын марш­рут гаргаж, өөрөө хөтөч хийн Должин эмээгийнхийг зорихоор боллоо.