Тэрбээр шүүх хуралд оролцохоор өөрийн биеэр ирсэн аж. Мөн Г.Ганбаатар өмгөөлөгчөөс татгалзаж байгаагаа мэдэгдсэн байна. Түүний оронд Б.Оюунбилэгээр өмгөөлүүлэх хүсэлтэй байгаагаа хэлжээ. Харин Н.Энхбаярыг нэр дэвшигчээр бүртгэх эсэхтэй холбоотой СЕХ-ны хүсэлтийг хэлэлцэхээр шүүх хурал түр завсарлажээ.

Өмнө нь Н.Энхбаярын биеийн байдал тааруухан байгаа гэх шалтгаанаар хурлын товыг хойшлуулж байсан юм. Түүнийг Эрүүгийн хуулийн 150.3, 263.2-т зааснаар буруутган яллах дүгнэлт үйлдээд байгаа билээ. Харин энэ удаагийн шүүх хуралд даргалагч шүүгчээр С.Соёмбо-Эрдэнэ, ерөнхий шүүгчээр М.Алдар, С.Оюунчимэг нар оролцож байгаа аж.