Засгийн газрын Хэрэг эрхлэх газраас 2011-10-14-ний өдрийн ХЭГ/1903 албан тоотоор "Төрийн далбааны стандарт" батлах тухай Стандартчиллын Үндэсний зөвлөлийн 2011-06-23-ны өдрийн 35 дугаар тогтоолоор баталсан Монгол Улсын Төрийн далбааны стандартыг хүргүүлсэн байна.

Энэхүү стандартаар Монгол Улсын Төрийн далбааны өнгө, соёмбоны харьцаа болон гадна орчинд байнга мандуулах Төрийн далбааг хийх нэхмэл эдэд тавих шаардлага, эдэлгээний хугацаа зэргийг тогтоосон байна.

Төрийн далбааны стандартыг ирэх Цагаан сарын шинийн нэгний өдрөөс мөрдөж эхлэхээр тогтсон байна.