Нийслэл хот үүсэн байгуулагдсаны 372 жилийн ой, Монгол улсад авто замын салбар үүсэн хөгжсөний 82 жилийн ойг тохиолдуулан Улаанбаатар хотын Захирагчийн ажлын албанаас Нийслэлийн Автозамын газрын инженер, техникийн ажилтнуудыг Ерөнхий менежерийн "Өргөмжлөл"-өөр шагнав.

Нийслэл хотыг хөгжүүлэх үйлсэд оюун ухаан, хүч хөдөлмөрөө дайчлан ажиллаж буйг нь үнэлж Засвар ашиглалтын хяналтын хэлтсийн инженер Б.Цэрэнсодном, Зам барилгын хяналтын хэлтсийн гүүрийн инженер Д.Энх-Ирээдүй, Төлөвлөлт судалгааны хэлтсийн зургийн инженер Н.Энхтуяа, Захиргааны хэлтсийн жолооч Н.Одонхүү, Замын материал шинжилгээний лабораторийн лаборант Б.Дашдорж, Шалган бүртгэх товчооны зохион байгуулагч С.Өнөрцэцэг нарт Улаанбаатар хотын Ерөнхий менежер Ч.Бат баяр хүргэн шагнал гардуулахдаа: "Хавар, зун, намаржин зам барьж, нийслэлийн иргэдийн ая тухтай зорчих нөхцлийг бүрдүүлэхийн төлөө сэтгэл зүтгэл гаргаж, халуун хүйтнийг үл ажран ажилласан замчиддаа нийслэлчүүдийн өмнөөс талархал илэрхийлье" гэлээ.