Хотын дарга Х.Нямбаатар Бөөрөлжүүтийн цахилгаан станцад өнгөрөгч Бямба гарагт /2025.0614/ ажиллалаа.

Өнгөрсөн 2023-2024 онд шилжих өвөл Улаанбаатар хотын эрчим хүчний систем 200 МВт чадлын дутагдалд орсныг хоёр шинэ станц ашиглалтад оруулж, богино хугацаанд нөхөж чадсан. Үүний нэг болох Бөөрөлжүүтийн цахилгаан станц юм.

Бөөрөлжүүтийн эхний 150 МВт цахилгаан станц өнөөдрийн байдлаар Диспетчерийн үндэсний төвөөс өгсөн горим, төлөвлөгөөний дагуу цахилгаан эрчим хүчний захиалгыг тасралтгүй, 100 хувь биелүүлэн төвийн бүсийн нэгдсэн системд нийлүүлж байна. Харин тус станцын II блокийг 2025 оны 12 дугаар сард ашиглалтад оруулна.