УИХ-ын Эдийн засгийн байнгын хороогоор “Стратегийн ач холбогдол бүхий ашигт малтмалын ордын төрийн эзэмшлийн хувь, хэмжээг орлуулах тухай” Улсын Их Хурлын тогтоолын төслийн анхны хэлэлцүүлгийг хийлээ.

Энэ үеэр УИХ-ын гишүүн Л.Соронзонболд асуулт асууж хариулт, авлаа.

УИХ-ын гишүүн Л.Соронзонболд:

Нэгдүгээрт, Ашигт малтмалын 14 хүртэлх хувийн суурь болон өсөн нэмэгдэх АМНАТ маань гэрээ дээр тусаж байгаа юу. Тодорхой хуулийн заалт болж тусаж байгаа юу. Суурь болон өсөн нэмэгдэж байгаа АМНАТ-ыг бид нар хаана тусгаж байгаа вэ?

Хоёрдугаарт, Ураны дэлхийн зах зээлийн үнэ 40-өөс 50 ам.доллар байвал АМНАТ-аа 0,5%-аар авна, 50 ам.доллароос дээш гарахаар бол 5% болж байгаа. Тэгэхээр энэ хоёрын зөрүү 4,5 гэдэг нь хэт эрс өөрчлөлттэй байна. Тэгэхээр ямар учраас 0,5, 5 гэж тооцож байгаа болон цаад учир шалтгааныг тайлбарлана уу? 

Түүнчлэн, энэ төсөл хэрэгжиж бүрэн хүчин чадлаараа ажилласнаар жилд 2500 тонн ураны экспорт хийж нэг хүнд ноогдох ДНБ-ыг 10,000 ам долларт хүргэхэд томоохон хувь нэмрээ оруулахын зэрэгцээ ҮНДЭСНИЙ БАЯЛГИЙН САН-г (АМНАТ-аар) арвижуулахад чухал ач холбогдолтой.