2024.09.10
Хүний эрх
“Улсын эрх” бүтээлийн 110 жилийн ойд зориулсан “Улсын эрх-110” эрдэм шинжилгээний хуралд бүтээлээ ирүүлэхийг урьж байна.
Уг эрдэм шинжилгээний хурлын зорилго нь хүний эрхийн өнөөгийн нөхцөл байдал, эрх зүйн хэм хэмжээ, хүний эрхийг хамгаалах тогтолцоонд тулгамдаж буй сорилт бэрхшээлийг нээлттэй хэлэлцэх, Монголчуудын хүний эрхийг дээдэлж ирсэн түүхэн үзэл санааг олон нийтийн анхааралд оруулахад оршино.
Эрдэм шинжилгээний хуралд хэлэлцүүлэх илтгэл нь агуулгын хувьд дараах эрхүүдийн аль нэгийг заавал хамарсан байна. Үүнд:
- Халдашгүй байх эрх
- Өмчтэй байх эрх
- Шаардлагад нийцсэн орон байртай байх эрх
- Шашин шүтэх, эс шүтэх эрх
- Зорчих эрх
- Үзэл бодлоо илэрхийлэх эрх чөлөө
- Хэвлэн нийтлэх эрх чөлөө
- Эвлэлдэн нэгдэх эрх чөлөө
- Тайван замаар хуран цуглах, эсэргүүцлээ илэрхийлэх эрх чөлөө
Хуралд шүүгчдээс хамгийн өндөр үнэлгээ авсан илтгэлүүдийг хэлэлцүүлнэ. Шалгарсан илтгэгч тус бүрд 800,000₮ урамшуулал олгоно. Бусад илтгэлийг эмхэтгэл хэлбэрээр олон нийтэд хүрнэ.
Илтгэл хүлээн авах: 2024 оны 09-р сарын 25-ны 18:00 хүртэл forum@nccd.mn хаягаар хүлээн авна.
Эрдэм шинжилгээний хурлыг 2024 оны 10-р сарын 02-ны өдөр зохион байгуулна.
