2024.08.23
Хүн ам, Нийгмийн хамгаалал, Хөдөлмөр
НИЙГМИЙН ДААТГАЛЫН ШИМТГЭЛ БОЛ ТӨСВИЙН МӨНГӨ БИШ!
УИХ-ын ээлжит бус чуулганы өнөөдрийн нэгдсэн хуралдаан /2024.08.23/ эхэллээ. Хуралдаанаар Засгийн газрын 2024-2028 оны үйл ажиллагааны хөтөлбөрийн анхны хэлэлцүүлгийг хийж байна.
Хэлэлцэж буй асуудалтай холбогдуулан гишүүд байр сууриа илэрхийллээ.
УИХ-ын гишүүн Л.Энх-Амгалан:
Улстөржсөн шийдвэр нийгмийн даатгалын санд ямар хохирол учруулдаг талаарх тооцоо судалгааг Улсын Их Хуралд танилцуулахаар төлөвлөж байна.
Тэтгэврийн насыг нөхөн тооцсон, малчдын тэтгэврийн насыг наашлуулсан зэргээс болж нийгмийн даатгалын санд үүсэж буй ачааллыг зайлшгүй засаж, залруулах ёстой.
Ирэх жилээс нийгмийн даатгалын сан 2 их наяд төгрөгийн алдагдал хүлээх бодитой эрсдэл бидний өмнө нүүрлээд байна. НИЙГМИЙН ДААТГАЛЫН ШИМТГЭЛ БОЛ ТӨСВИЙН МӨНГӨ БИШ, ДААТГУУЛАГЧДЫН ТӨЛСӨН МӨНГӨ тул аливаа улс төрийн эрсдэлтэй шийдвэрийг дахиж гаргаж болохгүй.
ШИНЭ МЭДЭЭ
