2023.08.03
Боловсрол, Соёл, спорт, залуучууд
ДӨРВӨН СУРГУУЛИЙН БАРИЛГЫН АЖЛЫН САНХҮҮЖИЛТИЙГ ШИЙДВЭРЛЭЛЭЭ
Сонгинохайрхан дүүрэгт барилгын ажил нь гацаад буй 2 сургуулийн өргөтгөл, 2 сургуулийн барилга бий.
Тус сургуулиудын барилгын талбай дээр өнөөдөр /2023.08.02/ Хууль зүй, дотоод хэргийн сайд Х.Нямбаатар, Боловсрол, шинжлэх ухааны сайд Л.Энх-Амгалан, УИХ-ын гишүүн Б.Жаргалмаа, Э.Батшугар, П.Анужин болон холбогдох алба, хэлтсийн мэргэжилтнүүдийн хамт ажиллаж, цаашид хэвийн ажиллах боломжоор хурдан хугацаанд ашиглалтад оруулах чухал шийдвэрүүдийг гаргалаа.
Тухайлбал, дүүргийн 19 дүгээр хорооны 62 дугаар сургуулийн өргөтгөл, 18 дугаар хорооны 12 дугаар сургуулийн өргөтгөл, мөн дүүргийн 20 дугаар хороонд баригдаж буй 480 хүүхдийн сургууль, 32 дугаар хорооны 640 хүүхдийн сургуулийн барилгын ажил санхүүжилтгүйн улмаас зогсоод байсныг шийдвэрлэж, энэ он дуусахаас өмнө ашиглалтад оруулахаар боллоо.
Мөн хичээлийн шинэ жил эхлэх гэж буйтай холбогдуулан 12 дугаар сургуулийн өргөтгөлийн барилгыг хэсэгчлэн ашиглалтад оруулахаар ажиллаж байна.
ШИНЭ МЭДЭЭ
П.Анужин: ХНХЯ ажлаа хий, хуулиа оруулж ир
2023.10.06
“Улаанбаатарын тунхаг”-ийг баталлаа
2023.08.24
