2022.10.27
Б.Жаргалмаа: Хөдөлмөр засалчдын өдрийг тохиолдуулан тус мэргэжлийн ач холбогдлыг таниулах үүднээс гишүүдэд танилцуулга хүргүүллээ
УИХ-ын чуулганы өнөөдрийн \2022.10.27\ нэгдсэн хуралдаанаар Төрөөс мөнгөний бодлогын талаар 2023 онд баримтлах үндсэн чиглэл батлах тухай УИХ-ын тогтоолын төслийн хэлэлцүүлгийг хэлэлцлээ.
Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.
УИХ-ын гишүүн Б.Жаргалмаа:
Эрхэм гишүүдийнхээ энэ өдрийн амгаланг айлтгая. Миний бие УИХ- дэх эмэгтэйчүүдийн бүлгээс үүрэг өгсний дагуу хөгжлийн бэрхшээлтэй иргэдийн эрх ашгийг хамгаалах асуудалд анхаарч, тэдгээр хүмүүст дэмжлэг үзүүлэхийг зорин ажиллаж байгаа.
Түүнчлэн ЗГХЭГ-ын дарга болон Боловсролын сайд, Эрүүл мэндийн сайд, Хөдөлмөр нийгмийн хамгааллын сайд нар талархаж буйгаа үүгээр уламжилж байна. Жил бүрийн 10 дугаар сарын 27-ний өдөр "Хөдөлмөр засалчдын өдөр" тохиодог.
Энэхүү өдрийг тохиолдуулан Хөдлөмөр засалчдын холбоо болон “Ээлтэй ертөнц” ТББ-аас санаачлан хөдөлмөр засалч мэргэжлийн талаарх ил захидлыг та бүхний ширээн дээр байрлуулсан байгаа. Энэ мэргэжлийн талаарх бага ч атугай мэдээллийг авах байх аа хэмээн найдаж байна.
Түүнчлэн миний сонгогдсон СХД-ийн түүхт 30 жилийн ой тохиож байна. Нийт Сонгинохайрханчууддаа ойн баярын халуун мэндийг хүргэж байна.
Мөн жил бүрийн 10 дугаар сарын 29-ний өдөр Улаанбаатар хотын түүхт 383 жилийн ой тохиож байна. Тиймээс нийт Нийслэлчүүддээ их ойн баярын мэндийг хүргэж байна.
ШИНЭ МЭДЭЭ
Хүүхэд хамгааллын тухай хууль батлагдлаа
2024.01.12
Сонгуулийн тов, санал авах өдрийг тогтооно
2023.12.21