http 6
Ази номхон далайн бүсийн боловсролын сайд нарын 2 дугаар хурал эхэллээ
2022.06.09
Гадаад харилцаа

Ази номхон далайн бүсийн боловсролын сайд нарын 2 дугаар хурал эхэллээ

Ази номхон далайн бүсийн боловсролын сайд нарын 2 дугаар хурал Тайландын Бангкок хотноо эхэллээ. Хуралд Боловсрол, шинжлэх ухааны сайд Л.Энх-Амгалан оролцож байна.

Хурлыг “Тогтвортой хөгжлийн зорилт 4-Боловсрол 2030” сэдвийн хүрээнд зохион байгуулж буй юм. Хурлаар

-Сурлагын хоцрогдлыг нөхөх, суралцахуйн хямралыг даван туулах

-Боловсрол дахь тэгш байдал, хүртээмж, жендэрийн асуудал

-Дижитал шилжилт

-Дээд боловсрол, насан туршдаа суралцахуй

-Боловсролын эдийн засаг ба засаглал

-Боловсролын чиг хандлага /ESD, GCED, эрүүл мэнд болон

сайн сайхан байдал/

-Бага насны хүүхдийн асаргаа сувилгаа ба боловсрол

-Өсвөр үе, залуучуудын суралцахуй болон ур чадварыг хөгжүүлэх

-Багшлахуй

-Боловсролын хяналт шинжилгээ, үнэлгээ гэсэн чиглэлүүдээр салбар хуралдаан явагдана.

Боловсрол, шинжлэх ухааны сайд Л.Энх-Амгалан хурлын үеэр Тайландын Гүнж Маха Чакри Сириндорнд бараалхаж, НҮБ-ын Ази номхон далайн эдийн засаг, нийгмийн комиссын Гүйцэтгэх нарийн бичгийн дарга Армида Алисжабан, НҮБ-ын Боловсрол, шинжлэх ухаан, соёлын байгууллагын Ази, Номхон далайн бүсийн захирал Шигэрү Аояги, ЮНЕСКО-гийн Гүйцэтгэх зөвлөлийн дарга хатагтай Тамара Растовак Сиамишвили, НҮБ-ын Хүүхдийн сангийн Ази, Номхон далайн бүсийн захирал Дебора Комини, Тайландын боловсролын сайд нартай албан уулзалт хийж, Ази, Номхон далайн бүсийн сайд нарын Дугуй ширээний уулзалтад оролцоно гэж БШУЯ мэдээлэв.

ШИНЭ МЭДЭЭ