"Тогтвортой хөгжлийн боловсролын түншлэл, хамтын ажиллагаа" Олон Улсын виртуал чуулган амжилттай үргэлжиж байна
2021.05.07
Боловсрол, Соёл, Шинжлэх Ухаан, Урлаг

"Тогтвортой хөгжлийн боловсролын түншлэл, хамтын ажиллагаа" Олон Улсын виртуал чуулган амжилттай үргэлжиж байна

Швейцарын хөгжлийн агентлагийн дэмжлэгтэйгээр Боловсрол, шинжлэх ухааны яам, БОАЖЯ хамтран хэрэгжүүлдэг “Тогтвортой хөгжлийн боловсрол-II” төслийн хүрээнд “Тогтвортой хөгжлийн боловсролын төлөөх хамтын санаачилга, түншлэл” сэдэвт олон улсын виртуал чуулган дөрөв дэх өдрөө амжилттай зохион байгуулагдаж байна.

Оролцогчид “Тогтвортой хөгжлийн боловсрол 2030”-ын тэргүүлэх таван чиглэл болон тэдгээрийг хэрэгжүүлэх арга менежментийн зургаан чиглэлийн хүрээнд хэлэлцүүлэг өрнүүлж буй юм. Мөн тогтвортой хөгжлийн боловсролыг хэрэгжүүлсэн туршлага, бүх түвшний байгууллага хоорондын хамтын санаачилгыг нэгтгэн дүгнэж, хамтын ажиллагааны төлөвлөгөөг боловсруулахад тус арга хэмжээний зорилго оршино. 

Өнөөдрийн цахим чуулган байгаль орчин, эко хэрэглээ буюу “Өсвөр үеийнхний дуу хоолой-Байгаль орчны сурвалжлагч” хүүхэд, залуучуудын хэлэлцүүлгээр үргэлжиллээ. Цахим зөвлөгөөнд Боловсрол, шинжлэх ухааны сайд Л.Энх-Амгалан оролцож, үг хэллээ. Мөн тэрбээр “Тогтвортой хөгжлийн боловсролын элч” өргөмжлөлийг СТА Д.Ганцэцэгт гардуулан өглөө.    

“Тогтвортой хөгжлийн боловсрол” цахим чуулганд 21 аймаг, бүх сумдын багш сурган хүмүүжүүлэгчид, байгаль орчин, мэргэжлийн хяналтын байгууллагын төлөөлөл, ХБНГУ, Австрали, Индонези, Европын холбоо, Япон, БНХАУ, АНУ зэрэг улсаас шууд холбогдон илтгэл, мэдээлэл хийж, туршлагаа хуваалцаж, хамтын ажиллагааны механизмыг бий болгоход хувь нэмрээ оруулж байна.

ШИНЭ МЭДЭЭ