2020.12.16
Боловсрол, Соёл, спорт, залуучууд

Л.Энх-Амгалан: Зөвхөн дунд сургуулийн боловсролын хөтөлбөрийн хэмжээнд харж ойлгох нь өрөөсгөл юм

Боловсрол, соёл, шинжлэх ухаан, спортын байнгын хорооны хуралдаан өнөөдөр /2020.12.16/ Хүмүүнлэг боловсролыг дэмжих тухай хуулийн төсөл /Улсын Их Хурлын гишүүн Б.Бат-Эрдэнэ  нарын 4 гишүүн 2020.05.04-ний өдөр өргөн мэдүүлсэн, хэлэлцэх эсэх/;-ийг хэлэлцэж байна.

Хуулийн төслийн хэлэлцүүлгийн үеэр ажлын хэсэг болон байнгын хорооны дүгнэлттэй холбоотойгоор УИХ-ын гишүүд асуулт асууж, санал хэллээ.

УИХ-ын гишүүн Л.Энх-Амгалан:

Яамны хийж байгаа ажлыг ч бас хүндэтгэж байна. Иргэний боловсрол, Монгол ёс хүмүүжлийн хичээлүүд  сургалтын хөтөлбөртөө ороод явж байгааг дэмжиж байна энэ бол сайн эхлэл. Үүнийгээ боловсронгуй болгох. Монголын боловсролын агуулга нь оюун ухааны боловсролоосоо илүү сэтгэл зүрх, бие бялдарын боловсрол гэж алтан гурвалжин байна гэж хэлээд байгаа юм. Би энэ боловсролын хүн биш. Гэхдээ энэ салбарын хүмүүстэй нэлээд уулзсан. Яамны хүмүүстэй өчигдөр уулзахад үзэл баримтлалынх нь хувьд дэмжигдээд, гол хуулиуд дээрээ оруулаад явуулахыг танай яам санал оруулсан. Тэгээд дэмжиж байна гэчихээд, дэмжихгүй байна гээд сөрөг юм яриад байх юм. Үндсэн хуулиндаа хүмүүнлэг, ардчилсан нийгэмлэг байгуулна гэж тусгасан. Манай нийгэм хүмүүнлэг мөн үү? 

Өнөөдрийн нийгэмд болж, бүтэхгүй байгаа зүйлс боловсрол дутаснаас бий болж байгаа асуудал гэж ойлгож байгаа. Үүнийг зөвхөн дунд сургуулийн боловсролын хөтөлбөрийн хэмжээнд харж ойлгох нь өрөөсгөл юм. Энэ нь насан туршийн хөтөлбөр маягаар явах санаа явж байгаа. Энэ нь их дээд сургууль төгссөний дараа насан туршийнхаа боловсролын хэлбэрээр явж болохгүй юм уу?

Дэлхий нийт IQ-ээс илүү EQ гэдэг чухал гэж үзэж байна. Зүрх сэтгэлийн боловсрол гэдэг бол боловсролын амин чухал зүйл юм байна гэдгийг бүгдээрээ мэдэж байгаа, энэ хуулийг бүгдээрээ хийх гэж зорьж байгаа. Тийм учраас боловсролынхоо хуулийн цогц агуулга дотор нь хэлбэр болгоод оруулаад өгөөч гэж хүсээд байгаа юм. Ё.Баатарбилэг гишүүн сайд байсан хүн буруу тайлбарлаад байх юм. Үзэл баримтлалынх нь хувьд дэмжигддэг олон зүйлүүд байна.

Хүнээрээ хүн хийх боловсролын салбарын зориулалтыг хатуу улс төрийн эр зоригоороо үүнийг гаргахгүй юм уу? Хууль гэдэг талаас нь биш үзэл баримтлал гэдэг талаас хар гээд байгаа юм.

ШИНЭ МЭДЭЭ

Хөдөлмөрийн тухай хуулийн шинэчилсэн найруулгын төслийг ажлын хэсэг үргэлжлүүлэн хэлэлцлээ 2020.12.30
Банк бүр өөр нөхцөл тулгаж байгаа нь иргэдийг чирэгдүүлэх үндэслэл болж байна 2020.12.28
УИХ-ын гишүүн Л.Энх-Амгалан Японы элчин сайдтай цахим уулзалт хийлээ 2020.12.27
УИХ-ын гишүүн Л.Энх-Амгалан Элчин сайд Катрин Ивкофтой цахим уулзалт хийлээ 2020.12.27
"Монгол Улсад вакцин нийлүүлэхэд дэмжлэг үзүүлж, хамтран ажиллах” талаар албан ёсны хүсэлт тавьлаа 2020.12.26
Эрсдэлтэй орчинд ажиллаж байгаа 20,000 хүний вакцинд хамруулахыг хүслээ 2020.12.25
Л.Энх-Амгалан: Орон нутагтаа эмнэлгийн үйлчилгээ авч чадахгүй амь насаа алдаж байгаа иргэд олон байна 2020.12.24
Л.Энх-Амгалан: Эмнэлэг халдварын голомт болж байна 2020.12.22
Л.Энх-Амгалан: Эрүүл мэндийг тогтолцоог шинэчилж иргэдийн зарцуулж буй мөнгийг багасгах ёстой 2020.12.22
Л.Энх-Амгалан: Гадаадад амьдарч буй иргэдийн эрх ашгийг хамгаалсан дэвшил болсон хууль байх ёстой 2020.12.22
Л.Энх-Амгалан: Ямар үндэслэлээр 21 хоног гэж тавьж байна вэ? 2020.12.18
Л.Энх-Амгалан: Хил орчмын аялал жуулчлалыг хянаж чадах уу? 2020.12.18
Л.Энх-Амгалан: Монголчуудын сүүлийн 30 жил бүтээсэн бүх хөрөнгийн 60 хувь зээлийн барьцаанд байна 2020.12.17
Л.Энх-Амгалан: Хүний эрх хамгаалагчдийн эрх яаж шийдэгдэх вэ? 2020.12.17
Хууль тогтоомжийг 2024 он хүртэл боловсронгуй болгоно 2020.12.16
Засаг захиргаа, нутаг дэвсгэрийн нэгж, түүний удирдлагын тухай хуулийн эцсийн хэлэлцүүлгийг хийлээ 2020.12.16
Ерөнхийлөгчийн сонгуулийн тухай хуулийн эцсийн хэлэлцүүлгийг хийлээ 2020.12.16
Л.Энх-Амгалан: Зөвхөн дунд сургуулийн боловсролын хөтөлбөрийн хэмжээнд харж ойлгох нь өрөөсгөл юм 2020.12.16
Эмч, эмнэлгийн ажилтнуудын эрүүл мэнд, цаг үеийн нөхцөл байдлаар цахимаар хуралдлаа 2020.12.16
М.Оюунчимэг гишүүнээр ахлуулсан ажлын хэсэг цахимаар хуралдлаа 2020.12.15